E antohonan constante ta un di e mayor obstaculonan, pa un persona cu ta desea di baha di peso of kier mehora su dieta. Door cu e ta un habito adkiri den transcurso di hopi aña y p’esey ta importante, pa siña modific’e cu e fin di reduci e antohonan. Antoho tambe por tin relacion cu ansiedad of adiccion na cierto substancia di e mesun alimentonan, manera; salo of sucu. E antohonan tambe ta relaciona cu cierto emocion y necesidad afectivo, como algun estado di stres y aburimento. Segun diferente estudio, e prome clave pa reduci e antohonan ta, pa acepta cu esaki ta existi y djey cuminsa tuma cierto medida, manera:
1. Imaginacion
Segun e investigadornan di Carnegie Mellon University, imaginacion ta un di e secretonan, debi cu esaki ta genera door di pensa riba e holor, sabor y acto mes di come cierto alimento, manera chuculati. Imagina cu uno ta come, con ta saborea y kauw, por yuda supera dicha sensacion.
2. Desayuno
Rico den proteina, berdura, cereal y fibra ta un strategia efectivo, pa controla e apetit y reduci e antohonan durante resto di dia.
3. Yogurt y fruta seco
Riba largo plazo, come yogurt y fruta seco di casca duro, manera noot of almendra.
4. Drumi bon
Segun un estudio di Universidad di Chicago, mientras nos ta haci un dieta pa baha peso, drumi durante henter anochi ta pone, cu bo ta perde mas cantidad di vet. Concretamente, si nos reduci nos soñonan na djis 5.5 ora, nos ta perde e mesun peso, cu ora nos descansa 8.5 ora, pero e kimamento di vet ta reduci na mitar y ta mas sensativo pa antoho.
5. Come pocopoco
Alimenta liher ta reduci e segracion di algun hormoon, cu ta provoca e sensacion di ta yen. E reduccion di dicho hormoonnan ta pone nos come den exceso y ta pone nos padece di mas antoho.
