E splicacion ta den un estudio publica den Journal of Personality and Social Psychology, unda nan a descubri, cu e holor di bo pareha romantico ta yuda bo baha e nivelnan di stress, sea e ta of no ta físicamente presente cu bo.
E holor corporal di un straño, di otro banda, ta causa mas stress entre e participantenan.
E estudio tabata conduci pa e cientificonan di Universidad di British Columbia na Canada. Examinando 96 pareha heterosexual, pidiendo e hombernan, pa uza un camisa limpi pa 24 ora, sin uza desodorante, producto corporal, sin huma y sin come alimento cu por afecta nan holor. A scoge pa homber, paso nan holor corporal ta mas fuerte. Despues di kita e camisanan, a vries nan pa preserva e holornan.
A laga e muhernan hole 3 camisa diferente; pareha, otro homber desconoci y uno completamente limpi. Inmediatamente a haci un entrevista di trabou falso y un examen dificil di matematica, pa provoca e emocionnan di stress. Ademas a midi nan nivelnan di cortisol, a traves di un prueba di scupi. E muhenan cu a hole e camisanan di nan pareha, a raporta di sinti menos gestress prome y despues di e entrevista y examen.
