E aña aki dia 2 di december e cantante mexicano, Thalia, y e magnate di musica, Tommy Mottola, ta celebra 20 aniversario di nan enlace matrimonial. Manera nos por corda nan boda celebra cu un fiesta mahestuoso, a capta atencion di prensa internacional y tambe tabata masha hopi comenta. E ceremonia espectacular a tuma luga na St. Patrick’s Cathedral na New York, unda un multidud tabata warda riba e interprete di “Arrasando” pa presencia su enlace cu e empresario.
Un di detayenan emblematico di e boda tabata e shimis di bruid confecciona pa diseñador mexicano Mitzy, inspira den e trahenan cu e emperatriz Carlota tabata bisti, e muher di Maximiliano di Habsburgo, y su balor tabata aproximadamente 350 mil dollar. E diseño tabata borda cu cristal austriaco y elabora den seda. Un di e caracteristicanan mas importante di e trahe tabata su cola impresionante di diez metro di largo. Personalidadnan manera Emilio y Gloria Estefan tabata parti di e lista exclusivo di invitado, den cual tambe a destaca Michael Jackson.
Thalia ta un artista cu a sa di adapta na e cambionan constante di e industria di entretenimento, y a sa di mantene vigente entre e generacion nobo. Durante e promocion di su single nobo titula, ‘La Luz’, e cantante a destaca e importancia di e plataformanan nobo pa yega na mas hende y mantene den e gusto di e audiencia. E cantante a bisa: “Ami como un persona cu ta entretene ta kere cu e rednan a sirbi mi pa diberti y hiba e luz na e hendenan. Mi tin algun proyecto cu pronto nos lo bay papia di dje… semper mester sigui dilanti, mester crea, soña den grandi y trata cu e soñonan ey lo bira realidad”.
