Den edicion di FOCUS Digital di e luna aki tin un entrevista cu Desiree Bikker, cu ta traha na The Ritz-Carlton, Aruba den e posicion di Director of Learning, Talent Development and Acquisition. Loke ta pasiona Desiree mas di su trabou ta, cu e por wak con su trabou ta semper inspir’e y e otronan pa duna mas di 100% tur dia. E ta bira hopi contento, ora e wak un persona, cu nan ta duna empleo den un ‘hourly position’, anto despues nan ta desaroya e persona ey pa bira un lider. Na su trabou mayoria di nan lidernan ta hende cu a cuminsa den un ‘hourly position’ y a crece.
Na 2013, a acerca Desiree, ora cu e tabata biba na Corsou cu su famia, pa un proyecto nobo cu awo ta; The Ritz-Carlton, Aruba. El a tuma e reto aki y awo casi 8 aña despues, esaki tabata un di e miho escogencia di carera cu e por a tuma. Desiree ta elabora den su entrevista con e ta encurasha diversidad den espacio laboral y ta bisa cu tin diferente beneficio pa e compania su ambiente di trabou. Algun di e beneficionan aki ta, cu investigacion ta indica cu e ekiponan diversifica ta tuma e decisionnan mas lihe y miho, cu e ekiponan cu menos diversidad. Ademas e companianan cu management teams diverso sa ta mas innovativo y productivo. Por lesa e entrevista completo den edicion di maart cu ta acesibel via Apple Store of Android Google Play Store, cu por download e aplicacion aki gratis riba un smartphone of tablet.
Hair y Makeup: Envy Beauty Salon Fotografo: Suhaila Alders Localidad: The Ritz-Carlton, Aruba
