E artista contemporaneo, Natusha Croes, lo ta facilitando un tayer di arte bibo ‘live art’, uzando su practica como un creador multidisciplinario. E flamante artista aki, a termina su estudio na Gerrit Rietveld Academie, Audio Visual Fine Arts (2015) y su Master of Arts in Performance Making na Goldsmiths University of London (2019). E workshop aki di ‘performance’ ta cuminsa 17 Mei pa 11 di Juni tur dialuna, diamars, diaranson y diabierna for di 6or di atardi pa 9or di anochi na Ateliers ‘89.
Lo enfoca durante e tayer aki riba e ‘externalización’ di e espacio interior di cada un di e participantenan, uzando medio artistico manera texto, dibuho, pintura y collage. Nan ta pasa door di un proceso ‘introspectivo’ corporal pa asina manifesta den e pistanan di palabra y imagen loke ta biba den nan. For di eynan lo analisa e vision board crea, pa duna un ruta di buskeda pa e materialnan cu lo por crea e portal entre nan realidad interior pa e exterior.
Esaki lo manifesta un realidad nobo den formato tres dimensional. Uzando tecnica di diseño di obheto/espacio tres dimensional manera sculptura/instalacion pa asina crea e ‘set design’ of e plataforma cu finalmente lo ser activa y presenta den ‘performance’ of film/video. Un biahe profundo den e participantenan nan mesun sentido di existencia, pa asina conecta cu nan alma y fuente di creatividad. Natusha Croes lo facilita e proceso cu diferente ehercicio di ‘revelation’ y modo creativo unico di contesta e preguntanan manera: Ken mi ta di paden bayendo pafo?
Pa inscribi por manda preferibel un e-mail cu tur informacion personal na director Ateliers ’89 elvis@ateliers89.org Por yama tambe e siguiente numbernan di telefon: 5654613 – 5885776. Edad ta 12 aña pariba.
