Placa y finanza ta un topico cu hopi di nos ta core p’e. Door di berguensa, falta di conocemento of di pensamento fout cu semper nos tabatin di of cu placa. E sicologo, Sabrina Sonensein, ta splica den edicion di Focus Digital Magazine di juni, cu den su generacion hopi di e muchanan no a wordo siña for di chikito con pa spaar placa, con pa traha un presupuesto pa nan placa, of e balor mes di e placa. Pero hopi di nan si a hinca den nan cabes cu nan no ta bay bon cu placa, cu no tin di gast’e mesun lihe cu nan hay’e of cu nan no por gasta nada paso algo di emergencia por pasa.
Esaki ta pensamentonan limitativo cu no ta permiti nos sa di guia nos placa, pero e placa mes ta guia nos. Asina nunca nos por yega na e tan spera libertad financiero. Pa añanan Sabrina mes tabata ‘struggle’ pa traha un presupuesto y nunca e tabata sa cuanto placa e ta saca pa tal cos. Na final di luna e ta ansha y e no kier ni wak su saldo. E tabata sinti berguensa pa su falta di disciplina y perseverancia. Y e tabata husga su mes hopi. Ora hende tabata papia di nan metanan financiero, y nan manera di spaar y traha mas placa, e tabata cuminsa soda y evita tur combersacion di placa.
Sabrina Sonensein ta comparti den e revista kico a habri su wowonan pa sa cu tin diferente mentalidad di placa y cu nos mester ta consciente di esaki. Focus Digital Magazine ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
