E vice-presidente di Colombia, Francia Márquez, a duna bonbini na Prins Harry y Meghan Markle, cu ta haciendo un bishita di cuater dia na e pais. Despues di a haya un caluroso ricibimento di e vice-presidente y su esposo, Harry y Meghan a atende un encuentro na un centro cultural y un foro universitario, unda e tema ‘futuro digital responsabel’ a ser trata. E pareha lo visibilisa e temanan cu ta preocupa henter humanidad manera descriminacion, ‘cyberbullying’ y violencia riba e rednan social.
Francia Márquez a elogia historia di e ex-actriz, Meghan Markle, cu el a reconoce como un muher afrodescendiente comprometi cu e lucha contra violencia riba e rednan social, cual ta afecta e dignidad di e muhernan. Prome cu el a yega den e gobierno di Colombia, Márquez tabata un ambientalista cu a lucha pa e conservacion di awa na su departamento natal Cauca y door di e activismo aki e tabata victima di atentado.
E gira di e dukenan di Sussex cu a inicia ayera na Bogota lo sigui pa Cali, unda segun e alcalde di e ciudad, Alejandro Eder, e pareha tin planea pa asisti na e festival Petronio Álvarez di musica di origen afro. E estadia di e dukenan di Sussex na Colombia ta conclui diadomingo awor na Cartagena de Indias. Segun e medionan di Colombia e pareha lo bay San Basilio de Palenque, considera e prome pueblo liber di Sur America, funda den siglo XVIII pa ex-esclavonan Africano.
Prins Harry lo reuni durante su estadia na Colombia tambe cu e ekipo cu lo representa e pais den Invictus Games otro aña na februari. Pa e bishita aki te cu awor e dukesa di Sussex ta luciendo esplendido cu e look eligi pa e ocasionnan. Na e Colegio Cultura Popular, Harry y Meghan a wordo saluda manera celebridadnan autentico pa e alumnonan. Nan a saca selfie cu nan den e patio y saludando cu un sonrisa tur esunnan cu tabata acerca nan na e luga.
