Hopi di nos ta lucha cu esaki sin logra reconoce e señalnan. Ora bo cuminsa traha pa sana e herida di tata ausente ta e comienso di un biahe di sanacion y crecemento. E figura paterno ta uno hopi importante pa nos desaroyo emocional y psicologico. Esaki lo condiciona nos futuro relacionnan laboral, amoroso, amistoso y tambe e relacion cu nos tin cu nos mes. Si tur cos ta bon, un tata presente y comprometi na nos desaroyo no solamente ta aporta nos cu amor, pero tambe apoyo y orientacion; esaki ta algo esencial pa crea un fundeshi pa asina nos desaroya nos propio identidad. Un mucha alabes ta sinti sigur di su mes pa ta su mes y asina tin e curashi pa explora mundo.
Pa e motibo aki ora un tata ta ausente, sea fisicamente of emocionalmente, esaki por crea un herida hopi profundo cu lo keda cu nos pa semper y lo tin influencia riba e manera cu nos ta anda den bida. Con e herida paterno of di tata ausente ta refleha den bida di un ser humano? E herida di tata ta loke na ingles ta referi na “daddy issues” y esaki ta surgi door di relacionnan poco saludabel cu nos tata, pa motibo di abuso, ausencia fisico of distancia emocional.
Den Focus Digital Magazine di october e psicologo, Sabrina Sonensein, ta elabora riba varios señal ora bo tin un herida paterno, manera miedo di wordo bandona of rechasa, esaki lo haci cu inconscientemente bo ta pusha bo partner romantico un banda. Haya sa cua ta e otro señalnan y tambe tips pa cuminsa sana bo herida paterno den e revista cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
