E portada di Focus Digital Magazine di december ta un creacion artistico di KURO, cu ta destaca pa su creatividad, pasion, vision y profesionalismo. Como un di e fotografonan hoben mas destaca na Aruba, el a sa di resalta pa su estilo propio di crea potretnan unico. E portada saca pa KURO ta ilustrando e cuater modelonan impactante: Hedrick Amundaray – Ashanti Zimmerman – Makenley Adamus – Roland Rufino Petrocchi.
Hedrick Amundaray: Un modelo di 18 aña di Aruba cu ta destaca den e industria di moda cu su presencia sobresaliente y pasion pa e arte. Su carera di modelahe a cuminsa bou di guia di Ronchi de Cuba, unda el a haci su debut den un show prestigioso cu a pone e base pa su carera. Hedrick a traha cu varios marca local y presentacion notabel na eventonan manera Aruba Fashion Week, demostrando su versatilidad den moda y modelahe comercial. E meta mas grandi di Hedrick ta explora mundo pa yega mas aleu den su carera y desaroya un portfolio internacional.
Ashanti Zimmerman: Un modelo di 18 aña cu ta sobresali cu su energia vibrante y su haltura impresionante di 5’11”. Ashanti no tabata sinti sigur di su haltura ora e tabata chikito, pero cu tempo el a cuminsa acepta su haltura y mir’e como su superpower. Awe e ta celebra su haltura y uniqueness como un parti esencial di su estilo unico den e industria. Su pasion pa modelahe y pa pasarela a bin for di su amor pa arte y expresion. Pa Ashanti, subi riba pasarela ta un experiencia excitante — un oportunidad pa duna bida na e vision di un diseñador y capta atencion di e publico.
Makenley Adamus: Un modelo pasiona cu su introduccion den e mundo di moda cual a cuminsa na Aruba, unda e tabata pasa oranan ta sketch diseño y imaginando su mes un dia riba pasarela. Su amor pa moda a desaroya trempan, pero tabata un fashion show local a stimula su entrada den e mundo di modelahe. Esaki tabata un momento emocionante cu a habri un caminda di reto, crecemento y descubrimento propio. Pa Makenley, moda ta mas cu solamente paña; e ta un medio pa expresa bo mes y bo identidad. Su estilo personal ta un combinacion di elegancia clasico cu un twist moderno.
Roland Rufino Petrocchi: Un modelo y visionario creativo cu den poco tempo a sa di lanta un ola den e mundo di moda. Roland su journey den modelahe a cuminsa na 2023 cu su participacion na Aruba Fashion Week, unda cu el a haci un debut impactante. Roland a cana pa nombernan renombra demostrando su versatilidad y su habilidad pa adapta na cualkier estilo. Adicionalmente e ta trahando riba su propio marca di paña, Luciano, cu lo trece su diseño innovativo na bida y amplia su impacto den e mundo di moda. Cu un compromiso pa creatividad, crecemento y comunidad. Roland ta determina pa laga su marca den e mundo di moda riba un nivel global.
Lesa mas di e modelonan aki den Focus Digital Magazine di december cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Focus Magazine – December Edition
Creative Team Credits
Creative Director & Photographer
KURO
Fashion Models
- Roland Petrocchi
- Ashanti Zimmerman
- Makenley Adamus
- Hedrick Amundaray
Behind-the-Scenes Video & Photography
IMFUZO
Wardrobe
- Trash by Ronchi
- FAIRBLVD
Additional Model Management
Roland Petrocchi, Ashanti Zimmerman, and Makenley Adamus Managed by KURO
Download bo revista awo!
