Stellaris Casino a presenta su prome Tier Event pa 2025 cu e tema All That 70’s den Aruba Marriott Grand Ballroom. Excelente escogencia pa e tema cu e clientenan fiel den mente pa nan por a diberti di un anochi super fabuloso hibando nan bek den tempo. For di e momento cu nan a presencia e impactante Kabuki Drop cu a duna inicio na e espectacular evento su parti musical, a sigui ambiente non stop.
E popular cantante Ofo Escudero a fungi como maestro di ceremonia y a dirigi e evento den su estilo unico. E invitadonan a gosa di e tremendo presentacion di ‘NFUZION cu a prepara un repertorio musical fantastico cu temanan di decada di 70. E highlight di e anochi tabata e cantantenan Boy Thode y Tony Sherman, cu a bin di exterior specialmente pa presenta den All That 70’s. E otro dos cantantenan invita tabata Shurby Maria y Soraine, cu a forma parti tambe di e elenco artistico riba escenario den Aruba Marriott Grand Ballroom.
Un evento memorabel unda cada toke cu a pone den e decor a transforma e anochi den un epoca bunita. E vestuario colorido y acesorionan cu mayoria di e damanan y cabayeronan a bisti, a acentua e look di 70’s. E clientenan ademas di e presentacionnan a disfruta di un cantidad di premio, buffet exkisito, variedad di bebida y cocktails, demostrando asina e aprecio inmenso cu Stellaris Casino tin pa cada uno di nan.
Riba e rednan social por a mira un cantidad di post cu e personanan a publica gabando con dushi nan a pasa na e Tier Event – All That 70’s di Stellaris Casino. Un pabien grandi ta bay pa e team cu a organisa e gran fiesta aki y sigur na Yazira Javois-Feliciana, Director of Marketing & Slot Performance, cu a pone tur su creatividad y dedicacion pa e Tier Event resulta den un exito rotundo.
