Eltienne Yarzagaray a afirma cu 2024 tabata un proceso cu a form’e pa drenta aña 2025 yen di bendicion cual nunca e por a imagina. Un aña cu e lo saca e miho di su mes y tur e proyectonan cu lo wordo realisa. E cambio di mas grandi cu e ta bibando actualmente despues di e separacion cu su casa, sigur ta esun pa cuminsa forma un bida nobo. E por bisa cu el a traha intencional riba tres area, cu a fortalece den e persona nobo cu e ta aworaki. Esakinan ta den su parti spiritual, emocional y fisico. E curashi di wak bida cada dia como un oportunidad pa ta e miho version di su mes.
Eltienne Yarzagaray ta describi aña 2024 como uno cu hopi reto. Un aña cu difinitivamente a cambia su bida. E por bisa un aña cu el a descubri su mes y focus riba loke realmente ta importante p’e como persona. Si tin un les di bida cu el a siña, esaki ta cu nunca bo no sa e potencial cu bo tin como persona te na e momento cu bo sali for di bo zona confortabel. E tabata tambe un aña cu a siñ’e di tin mas fe den momentonan of situacionnan cu e mes no tin control.
Musica ta representa pa Eltienne su fortalesa. Ora e ta canta y expresa su mes a traves di su musica, e ta sinti un paz. E ta un momento cu e por ta su mes y ta creativo. Unda Eltienne Yarzagaray ta mira su mes aki cinco aña?… Lesa esaki den Focus Digital Magazine di april, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
