E curpa humano ta bin den tur forma y tamaño. Y nan ta traha di manera fantastico pa yuda nos pensa, move y comunica. No tin un curpa “ideal”. Pero, asina mes sociedad ta purba di convence nos cu e curpa perfecto ta existi. Tin hopi campaña di salud cu ta uza body shaming como propaganda.
Ora nos compara nos mes cu otro hende y otro curpanan, nos ta sinti leu di por alcansa e ideal irealistico aki. Esaki por haci daño na nos salud mental y ta haci’e hopi mas dificil pa move rond den e mundo cu confidencia y autoestima halto. Pero kico realmente ta body shaming y con nos por stop esaki?
KICO TA BODY SHAMING?
Body shaming ta referi na cualkier acto cu di un manera negativo ta critica un persona pa supuesto imperfeccion fisico. E ta enfoca riba e tamaño di curpa, forma di curpa of peso corporal. E por enfoca tambe riba atributo fisico manera cuero, tipo di cabey, edad, con atractivo e ta of incapacidad.
Body shaming ta sosode ora un persona ta haci comentario of ta burla di otro persona. E body shaming por sosode door di haci redo di otro. Y por ultimo, nos ta body shame nos mes door di critica con nos ta mustra of door di pensa cu nos lo sinti miho si nos lo mustra otro.
E sicologo, Sabina Sonensein, ta duna den Focus Digital Magazine di april, algun ehempel di body shaming:
– Haci redo y bisa cu un persona ta mucho bieu pa bisti tal paña,
– Humilia otro persona door di burla cu su cabey ta pone mustra manera un bestia of un obheto sin bida.
– Bisa un hende cu tin dificultad cu su imagen di curpa: “At least bo tin bo salud”.
– Insinua cu un hende mester di un make- over y ofrece pa haci’e p’e.
– Bisa bo mes cu bo no tin e curpa “adecua” pa bisti cierto paña.
Con body shaming ta afecta salud mental? Lesa mas den e revista cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
