E fiesta pa celebra e bunita edad di 40 aña tabata den era di 80’s aunke e tempo ey Robin Croes tabata chikito. E ta gusta e musica, moda y principalmente e vibra y energia di e temporada ey. Recordando su mayornan den 80’s con nan tabata bisti y baila semper a keda graba den su memoria. P’esey ora un amiga a bis’e: “Robin what about 80’s”, el a keda pensa y bisa: “OK ban cu esey”!
Su lista di invitado por a yega 200+ door cu e conoce hopi hende, pero el a opta pa su famia y amistadnan di mas cercano cu t’ey tur ora cu ne. Sigur no por a falta e amistadnan den e mundo di beyeza y farandula. Cumpliendo su 40 aña di edad, Robin a refleha hopi tanto riba su trayectoria personal como profesional. E ta bisa cu un smile: “E ta manera mi a upgrade pa e version luhoso di mi mes”.
Durante e añanan tras di lomba Robin aprecia e lesnan cu el a siña, retonan cu el a supera y relacionnan cu el a construi na caminda. Cada capitulo di bo bida ta di celebra, pero awor e ta sinti mas sigur di ken e ta y kico e por trece dilanti. Cu cada aña ta trece mas sabiduria, pero toch tin biaha lubidando unda el a pone of laga su yabi. 😊
Robin Croes ta conta den Focus Digital Magazine di april cu e fiesta tabatin asina bon ambiente cu momento e banda a caba di toca y tur hende tabata despidiendo, e ora nan a core canta lihe lihe. E bunita potretnan y mas di e momentonan memorabel por mira den e revista, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
