Edicion di Focus Digital Magazine di mei manera tur aña ta dedica na e ser femenino celebrando – Dia di Mama – compartiendo su storia bunita y unico. E portada ta ilustra Michella Steenvoorde-Laclé hunto cu su prinses Guizza Maria, kende a laga Aruba su nomber resona internacionalmente conkistando e prestigioso corona di Teen Universe 2025 na Republica Dominicana.
E momentonan prome cu a anuncia e ganadora, Guizza su emocionnan tabata hopi halto y tabata sa cu el a haci su maximo esfuerso pa proyecta Aruba den cada paso. Tanto e amabilidad como e determinacion di su hendenan. Guizza no a realisa cu e tabata den e top dos te ora nan a yama nan dilanti! Prome cu esey e cantica: “Soño Arubiano” tabata zonando den su mente… y a sinti un rush cu el a cumpli un soño cargando su isla den su curason.
Presente den e publico e momentonan ey y igualmente cu su emocionnan hopi halto apoyando Guizza tabata su kerida mama, Michella Steenvoorde-Laclé, for di kende el a hereda e encanto pa e mundo di beyeza. Como mama Michella ta admira e determinacion di su yiu muhe y su gana di supera obstaculonan. Cu a pesar di contratiempo, e ta perseverancia pa sigui avansa y logra su metanan.
Locual cu Guizza ta admira di su mama ta su forma di focus riba su proyectonan, su bida cu e simplesa asina grandi. E ta adora su mama su curason y su forma di stima su prohimo. E ta haci masha hopi trabao caritativo unda semper Guizza ta hunto cu ne. Den e revista di e luna aki mama y yiu ta comparti locual nan gusta haci hunto y kico ta haci ambos feliz. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
