Algun siman pasa, Nurianne a sali rumbo Bangkok pa duna un presentacion den un sesion cientifico y representa Aruba como ‘Young Leader in Diabetes’ di Aruba. Como defensor di conscientisacion di diabetes pa Aruba y region ‘North America and Caribbean’, Nurianne a participa den diferente workshop y a atende e sesionnan educativo cu e congreso a ofrece. Tambe Nurianne tabatin e honor di hiba un discurso tocante su experiencia como Young Leader in Diabetes durante e ‘Opening Ceremony’ di e congreso.
Na 2019 Nurianne a representa Aruba na e Summit di Young Leaders in Diabetes na Zuid Korea Busan. Na e summit aki el a participa den diferente workshop y prepara den area di ‘advocacy’ y conscientisacion di diabetes. E aña aki Nurianne a ser invita pa presenta su proyectonan den area di investigacion cientifico. Como candidato pa PhD na Universidad di Aruba y Utrecht University, Nurianne a presenta investigacion den area di diabetes na Aruba y Curaçao.
Den Focus Digital Magazine di mei, Nurianne Arias ta elabora riba e plannan di su proyecto di investigacion den area di diabetes y sosten social cu el a presenta. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
