Jeans cu pia recht y cintura memey-halto ta sigui un top trend. Probablemente ya bo tin un of mas par den bo closet. Nos lo continua bistiendo e carsonnan aki den e siguiente temporada. Ta keda popular e light wash denim, specialmente e jeans cu pia recht y estilo mas hancho. Pero tin mas bou di solo. Na e marcanan mas reconoci a mira tambe washed dark shades manera blauw scur y preto.
Descubri e short bermuda trendy pa e damanan, specialmente pa e temporada aki y esun venidero. E zomer aki lo mira hopi hende muhe bisti cu ne. Aña pasa tabata “Jorts” y aworaki atrobe bermuda elegante, chic y casual. E bermudanan aki ta perfecto pa cualkier ocasion. E ta cuestion con bo ta haci e styling. Cu hilchi, sneakers of sandalia. No lubida di scoge cua shirt of blusa ta combina cu ne.
E shimisnan largo accentua cu un bunita toke forma pa e tela riba dje ta increiblemente bunita! Bo ni sa cu e ta destina pa bisti na beach of pa un fiesta casual anochi. Nan ta mustra hopi bunita ora nan ta drape na e cintura, pasobra esey ta forma e parti memey. Y mas bunita y sexy ora e ta den tela di chiffon. Mescos cu e resto di moda, e estilonan ta varia enormemente. Bo por scoge entre un gran variead di shimis den e estilo aki tanto cortico como largo.
