ARUBA AIRPORT AUTHORITY N.V. A CLAUSURA “SAFETY WEEK” CU EXITO

Aruba Airport Authority N.V. (AAA) orguyosamente a conclui cu e “Safety Week” anual, cu a tuma luga di 23 di juni pa 27 di juni 2025, cu un enfoke fuerte pa promove conscientisacion di siguridad y miho practicanan den henter e operacion di e airside di aeropuerto.

Safety Week ta un iniciativa clave pa AAA, resaltando e importancia crucial di mantene e normanan di siguridad mas halto den e areanan caminda operacionnan di avion ta tuma luga. Trahando cerca di avion ta rekeri atencion constante pa siguridad. E “Safety Week” aki tabata un recordatorio significativo cu pa mantene nos aeropuerto sigur ta un responsabilidad comparti, un cu ta inclui tur hende for di personal di aerolinea y tripulacionnan di combustibel te na e esnan cu ta atende cu maleta, controladonan di trafico aereo, esnan cu ta responde na emergencia, team di mantencion y hopi otro cu ta traha tur dia tras di cortina.

Durante henter siman, AAA a organisa un serie di presentacion atractivo y sesionnan interactivo, invitando henter e comunidad di aeropuerto pa participa. Partnernan y stakeholdernan clave a duna un bista valioso riba diferente aspecto di siguridad di airside:

• • FMSA (Fuels Marketing & Supply Aruba N.V.): A duna un bista riba e proceso di suministra combustibel pa avion y e peligernan asocia cu esaki.
• • Brandweer Aruba: A destaca nan rol vital den reaccion di emergencia y colaboracion cu AAA.
• • Gen Air: A aplica e proceduranan y e riesgonan envolvi den servicio di “ground handling”.
• • AAA Safety Office: A comparti e protocolnan di emergencia specifico pa Aeropuerto di Aruba.
• • AAA Development & Technology Unit: A papia tocante con ta integra siguridad den cada proyecto di infrastructura y desaroyo.
• • Control di trafico aereo di ANSA: A demostra con ta mantene siguridad den movecion y coordinacion di trafico di avion den aire.
• • American Airlines: A ofrece un perspectiva riba e proceduranan di siguridad for di un punto di bista di e operacionnan di aerolinea.

E siman a conclui cu un Foreign Object Debris (FOD) Walk di e di dos kwartaal, un inspeccion crucial di siguridad caminda alrededor di 90 persona di diferente comunidad di aeropuerto a participa. Hunto, nan a uni forsa pa identifica y kita sushi cu por ta un peliger pa e operacionan di avion. E iniciativa trimestral aki ta un medida proactivo pa yuda mantene un ambiente di operacion sigur pa tanto e avion como pa e personal di aeropuerto.

Andry Lopez, Safety & Compliance Manager na AAA, a enfatisa e importancia di e iniciativa aki: “Safety Week ta mas cu djis un serie di evento, e ta un refleho di nos compromiso cu un cultura di siguridad cu ta extende den tur skina di aeropuerto. Door di trece nos partnernan y nos coleganan hunto, nos ta reenforsa e mensahe cu siguridad ta un responsabilidad di tur dia.”