E dia cu tur cos a cambia pa Nevin Henriquez ta e momento cu el a primi riba un propaganda di YouTube, cu a priminti di yuda bo haci placa online. El a gasta e tiki euro cu e tabatin pa cumpra un Online Coaching Program. Esaki a habri su wowo pa e poder di marketing y tecnologia pa crea libertad y abundancia. For di aki el a bira obsesiona cu e negoshi online. E bendicion di mas grandi cu e tin awor ta pa por traha y biba unda e kier trahando como Digital Business & Sales Mentor. El a traha e ultimo añanan for di Bali, Vietnam y diferente pais den Europa.
Di chikito Nevin a gusta computer, weganan online, contenido, hermentnan y tofro cu hardware. Semper el a gusta e mundo digital y tabata bon den compronde sistemanan complex. Sinembargo el a tuma mas di 15 aña pa Nevin a sinti sigur di su caminda y haya e carera ideal. E clave cu e por comparti pa esunnan cu ta busca nan caminda ta simpel: busca experiencia. Prome cu e por a yama su mes un propietario orguyoso di su negoshi, el a traha na mas di 50 diferente trabou. Cada puesto a dun’e habilidad y mindset nobo.
Nevin a compronde kico e gusta door di haya experiencia kico e no gusta. Asina stap pa stap el a yega mas cerca na su niche den marketing. E parti mas excitante como entrepreneur ta e libertad pa traha for di un café na Asia of bishita su cliente na Aruba, cual ta algo cu e ta sinceramente agradecido. E mas dushi tambe ta pa forma parti di negoshinan increibel, traha cu lidernan y duna nan les, pero tambe siña hopi mes como un studiante den nan negoshi. Den fondo tur e clientenan di Nevin ta mesun mentor p’e, cu e ta pa nan. E ta stima su trabou y ta sinti cu esaki ta mas un mision cu un job.
Locual ta haci Nevin Henriquez mas orguyoso na edad di 32 aña ta cu el a biba un bida cu riesgo. El a durf start su negoshi, biaha y habri su curason pa mundo. Hopi hende e ta mira tin repentimento cu nan no tabatin e curashi, pero si el a siña pa sigui su soñonan y confia den un poder mas grandi cu ne. Den Focus Digital Magazine di september, Nevin ta splica cua ta e tendencia cu ta rediseña benta digital, y di e rol cu AI y automatisacion ta hunga den su trabou. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
