Aunke hopi biaha nos ta lag’e te pa ultimo, pero e baño ta un di e espacionan mas importante di e cas. Eynan ta unda nos ta cuminsa y ta termina e dia. Aunke e ta chikito, e ta bisa hopi di nos. E bon noticia ta cu no mester haci un remodelacion completo pa bo baño mustra elegante: cu cambionan chikito bo por transforma e espacio aki den un luga fresco, moderno y cu estilo.
Tin detayenan cu aunke ta comun, ta haci cu e baño ta mustra descuida of poco atractivo. Aki tin algun punto importante cu ta loke ta kita balor na e baño.
- E colornan hopi fuerte of azulehonan druk: ta reduci visualmente e espacio y ta cansa e bista.
- E serbetenan gasta of di colornan vel: ta kibra harmonia di e espacio.
- Demasiado adorno chikito: ta genera un desordo visual y caos.
- Acesorionan di plastic di poco calidad: manera scoter pa pone habon of spiel cu frame di plastic, cu ta mustra poco duradero.
Den e seccion di Home Trends den Focus Digital Magazine di e luna aki, Dalia y Rayson Semeleer di Dalia Interior Design Studio, ta splica loke ta kita balor, pero tambe loke ta eleva e estilo di un baño. Un luga di bienestar y no solamente di higiena. Cuida su diseño y decoracion ta cuida e experiencia diario di esunnan cu ta haci uzo di dje. Lesa mas den e revista cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
