Tatiana Aristizabal Diaz semper ta investigando paisnan nobo pa conoce, por bisa hasta cu su hobby ta revisa mapa, traha ruta, lesa y busca informacion di e luganan. Tin biaha ta algo cu hunto cu su casa Sebastian Sanchez Muñoz nan a lesa, mira of un soño cu nan tabatin desde hopi tempo. Tatiana y Sebastian ta wordo hopi influencia pa e historia di e sitionan y nan atractivonan natural. Nan ta biba na Colombia y ta trata di haci dos biahe pa aña, uno pafo di Colombia y otro den interior di e pais. Aruba ta entre e biahenan pa nan di mas memorabel y ta nan deseo di bolbe pronto.
Pa e pareha aki, biaha ta parti fundamental di nan bida. Conoce culturanan nobo, e hendenan, forma di wak y habita e mundo ta habri nan mente y ta proporciona informacion valioso cu experiencianan nobo. Ya sea un escape cortico cerca di nan cas of di por atravesa e oceano ta experiencianan cu semper nan ta spera di por realisa y disfruta. Nan ta e tipo di biahero cu gusta biaha na nan ritmo, p’esey nan ta evita cumpra pakete turistico y hospeda na luganan ”all inclusive”. Tatiana y Sebastian ta busca pa conoce loke nan ta interesa di cada luga y pa conecta cu algun persona, nan cultura, cuminda y arkitectura ta nan interesnan principal.
Tatiana a bishita Aruba hopi tempo pasa tempo cu el a cumpli 15 aña y su mayornan a regal’e e biahe den un excursion cu mas mucha muhe quinceañera. Aunke e no ta corda mucho bon di a conoce e isla, paso nan a keda casi tur e tempo den un hotel “all inclusive”. Si e ta corda e beachnan cu el a haya esnan di mas precioso cu el a yega di wak. P’esey na 2022 buscando nan destino for di e pais, el a propone na Sebastian pa bolbe Aruba. Nan a haci e planeacion di loke nan kier wak y den november e aña ey nan tabata na e bunita isla di Aruba. Den Focus Digital Magazine di september Tatiana Aristizabal Diaz y Sebastian Sanchez Muñoz ta conta di nan miho experiencia na Aruba y di e cinco sitionan turistico cu mas nan a encanta. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
