Mientras ta celebra 34 Aniversario di Discovery Travel, e propietarionan Bob y Mary Spellen, ta tuma e ocasion aki pa expresa nan mas profundo gradicimento na tur esunnan cu a keda parti di nan biahe desde 1991. E aña aki ta marca un logro notabel, cual ta 34 aña creando biahenan inolvidabel, explorando mundo y hibando nan clientenan na e destinonan di nan soño.
Pa mas di tres decada, Discovery Travel a sirbi cu orguyo biaheronan di Aruba y rond mundo, ofreciendo nan experiencia cu ta selecta cu cuido, planificacion di biahe sin problema, creando recuerdonan pa semper — un logro solamente posibel danki na e apoyo di cada un di e clientenan valioso, nan empleadonan dedica, y nan socionan di confiansa den e industria di biahe. Nan colaboracion a bira fundamental den forma e calidad y confiabilidad cu ta defini Discovery Travel.
Un idea cu a nace for di e pasion pa biahe, a crece te na un marca global basa riba confiansa, servicio y experiencia memorabel. Cada reservacion, cada itinerario, cada biahe a bira parti di e historia di Discovery Travel. No por a logra esaki sin prome ta agradecido na Dios nos creador, e clientenan fiel, e ekipo dedica, e socionan di confiansa y e partnernan valioso.
Como muestra di nan aprecio y gratitud, Discovery Travel a rifa entre nan clientenan como prome premio un crucero di 7 dia pa 2 persona abordo di e Star Princess nobo nobo cortesia di nan partner Princess Cruises, cu a wordo gana pa John Croes.
E premionan adicional via nan campaña riba Facebook & Instagram cual tabata 2 pasashi di ida y buelta pa Santo Domingo di Air Century, cu a wordo gana pa Luenda Ridderstap.
Pa e personanan cu tabata presente durante e celebracion a rifa un 1 pasashi ida y buelta pa Corsou cortesia di nan partner Z Air, cu a wordo gana pa Denise Perrotte.
Bob y Mary Spellen ta gradici e personanan cu semper ta escoge Discovery Travel pa forma parti di nan recuerdonan y di comparti nan aventuranan. Igualmente agradecido pa e dedicacion y atencion constante di nan empleadonan.
Discovery Travel ta continua planea mas biahenan cu mas destino basa riba nan experiencia y mirando e futuro cu un compromiso permanente cu innovacion, excelencia y e servicio personalisa cu a bira nan marca!
