Balloon pants
E Balloon pants hopi biaha ta wordo etiketa inhustamente como “mahos” of no ta “cool”. Pero sea bo gusta nan of no, e mundo di moda ta aceptando e silueta voluminoso aki brasa habri y mustrando nos cu e por ta hopi leuk. Aki ta mustra con pa style e tendencia aki cu algun tips practico pa yuda con haya e par perfecto pa bo tipo di curpa y estilo personal. Purba di scoge un solo color y si bo ta un tiki mas yen pa evita carsonnan oversize. Bo kier un look chic? Combina nan cu un jacket y sapato di hilchi.
Skater skirts
E skater skirt cu bo a bisti 15 aña pasa lo haci un comeback grandi pa fin di 2025. Momento cu e temporada di vakantie grandi a yega su fin, por a mira cu e tendencianan a cambia pa e regreso di aña escolar. Den moda bo por reconoce un tendencia door di e ripiticion di un patronchi. Esey ta nifica cu si nos mira e mesun pieza riba varios pasarela of bisti pa diferente hende den streetwear, nos por bisa cu nos a haya uno.
Double Denim
Algun aña pasa e total jeans look of denim-riba-denim a haci un regreso sorprendente. E tendencia aki a keda mantene su mes constante den moda for di e tempo ey. Y esey realmente no ta un sorpresa. Double denim ta keda atemporal y e estilo aki ta bolbe aparece cada biaha. Ya for di añanan ’70, e look di denim-riba-denim a manifesta su mes como un estilo fresco y confortabel. Den añanan ‘90 el a converti den un nomber berdaderamente hopi conoci.
Sigui e ultimo tendencianan y estilo den e mundo di moda cu e fashionista, Swesdy Beeldsnijder, den Focus Digital Magazine su seccion di InStyle! E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
