Kico lo bo bisti pa habri e Aña Nobo? Glam, glitter of djis un shimis hancho confortabel? Manera nos sa, esaki ta e momento di glamour y briyo, pues bo por saca tur e cosnan briyante for di bo kashi.
Nos ta pensando riba rhinestones, payet, oro, plata, perla… outfit. Pero awor nos ta wak den direccion di payet. Nan ta den tur color y estilo. Carson, shimis, blusa of un set. Abo ta dicidi kico bo kier bisti.
Net ora nos ta kere cu ya nan no ta tendencia, nos a ekiboca. Si, falchi ta haciendo un comeback y probablemente lo keda mas tempo. Ora nos pensa riba falchi, nos ta pensa mesora riba añanan ’70.
Pero e falchinan cu ta dorna moda pa december – januari 2025-2026 ta moderno y contemporaneo te hasta glam. Nan ta tur cos pero no boho. Nan ta mas chic y apart.
E ta un di e estilonan decorativo mas reconocibel y versatil den moda. Nan ta move cu e curpa, ta duna e paña un efecto speels of dramatico y ta keda ripiti den e tendencianan di moda. Sea cual sea e aspecto, franja ta keda un estilo gusta.
Nan popularidad ta bini di nan movecion visual. Nan ta agrega dinamismo na e paña, ta enfatisa e ritmo di cana of baila y ta crea un look impresionante pero suave. Diseñadornan ta gusta uza nan pasobra e ta agrega caracter instantaneo na un outfit simpel.
Sigui e trends den e mundo di moda cu e fashionista, Swesdy Beeldsnijder, den Focus Digital Magazine su highlight: InStyle! E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
