Di e persona trankil y simpel e por bira hopi extravagante ora yega na carnaval. Jairo Grant tin un gusto tambe hopi costoso ora ta trata carnaval, unda un biaha su road piece a costa riba 60 mil florin. Carnaval a bira mas cu djis un celebracion na aña 2004 tempo el a cuminsa participa den parada cu road piece. Jairo su pasion a sigui crece te na unda e ta awendia asina famoso pa e piezanan extraordinario y super luhoso, cu ta causa impacto y furor durante e paradanan di carnaval na Aruba.
E prome chispa ora Jairo cuminsa un creacion ta semper ora e ta biaha of cana rond den momento di trankilidad. Asina cu e wak algo interesante of tambe ora e tabata haci su shownan, su mente ta pensa den ful otro mundo. E ta laga su curason hib’e na su inspiracion y su ideanan unico. Pa locual ta e proceso for di e concepto te na creacion final ta cuminsa ora e scoge e colornan cu e lo kier uza y tambe tin biaha e ta wak e tema di e grupo. Aunke e no ta gusta traha rond di esey, paso e of nan kier ta semper diferente.
Jairo tin cu gradici e motor of master mind cu ta ‘the best’, Erol Brown, cu conoce su gusto super bon y ta haci su kier. Y semper nan kier surpasa loke nan a yega di pone riba caminda. Jairo Grant ta conta den Focus Digital Magazine di maart locual ta pon’e bolbe den parada apesar di e gran peso financiero y di tur reto cu e ta pasa aden, pero ta lucha pa sigui. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
