Cu e temporada di fin di aña acercando ta un costumber di nos hendenan na Aruba pa cuminsa enfoka pa nan cas. Den edicion di FOCUS pa e luna aki di october, e lectornan ta haya tips valioso di Angela Baidez y Tarita Riley pa tur loke ta encera e tema di decoracion.
Angela Baidez ta duna algun conseho, tocante con nos por haci cambio y ta mustra con el a transforma interior di un cas. Como decorador di interior e ta bisa cu e colornan mester tin harmonia cu otro, pa e bista y cu e colornan fuerte, por hunga cu ne riba algun muraya. E siguiente paso ta, pa suavisa e colornan suave cu e elementonan, esaki ta pa duna un touch of taste, sin cu e ta keda mustra recarga.
Tarita Riley ta ilustra dos trends pa 2019 tanto den interior como den exterior. Segun Tarita cu hopi biaha nos tin miedo di decora nos hogar siguiendo “fashion trends”, mirando cu e trends aki por ta temporario. Pero mayoria di biaha tin cierto decoracion di interior cu ta keda pa largo tempo y cu ta duna e mesun elegencia cu e “fashion trends” aki. Pa loke ta Backyard trends pa cura pafo e diseñonan contemporaneo ta keda manda. Den edicion di FOCUS di october cu a caba di sali riba mercado por haya hopi tips y tambe locual e companianan local por ofrece pa realsa bo cas.
