Kico trends di tas y sapato p’e ultimo periodo di 2018-2019 tin cu otro? Nos por contesta hopi cortico: nan ta super excitante, rico na fantasia, pues tur cos, excepto laf, incluso tin biaha hasta loco. Statement ta e clave. E tasnan y e sapatonan mester haci algo cu bo y esunnan rond di nan. Nan mester por provoca un grito di placer of kisas un hari duro.
Esaki ta conta pa tur trend di sapato pa e ultimo temporada 2018- 2019, paso e demanda pa sapato ta enorme y varia. Toch e no ta diferente y no ta dificil pa descubri algun trend principal. E trend mas hot den sapato p’e ultimo periodo di 2018 – 2019 ta entre otro: pumps y punta. E sapatonan di punta ta completamente bek na moda p’e temporada aki.
Ta bon cu nos sa awendia con bon, nos por bisti un “biker short” femenino y sexy, sin cu nos bilnan bon forma ta resalta. Mi ta contento cu e “biker short” ta permiti atrobe. Na e momentonan aki e look scur, naturalmente ta na moda. Super leuk cu un tunic y pumps preto na pia.
Eyeliner ta completamente na moda atrobe. Y con! Trends di makiyahe p’e temporada aki di 2018-2019 ta laga bo wak un imagen creativo di eyeliner. E makiyahe di wowo pa e temporada nobo ta colorido y yen di fantasia. Bo por bay den otro direccion. Remarcabel ta tambe e uzo di color cora. E color di moda aki constantemente ta bin mas dilanti den makiyahe, hasta den eyeliner.
