Durante un fin di siman yen di festividad esplendido den Taj Umaid Bhawan Palace na Jodhpur, Priyanka Chopra y Nick Jonas, a celebra nan matrimonio impresionante. E matrimonio tabata dividi den un ceremonia Cristian cu tabata diasabra, y e dia siguiente a tuma luga e ceremonia Hindu. E boda tabata enfoka riba respet, celebracion di nan antecedentenan, fe y cultura di cada uno.
Durante e prome parti, e beyesa di Bollywood, tabata mustra increíblemente exkisitio den un shimis personalisa di e diseñador Ralph Lauren. E shimis tabata ful borda na man y el a tuma 1826 hora pa su elaboracion, y su velo di tulle tabata 75 pia largo. E bruidegom su tuxedo tambe tabata di Ralph Lauren, y den e lapel el a pone un pida canchi di e shimis di bruid borda cu e palabranan den Urdu “My Yaan” cu ta significa “Mi Bida”.
Pa e ceremonia Hindu, Priyanka a luci un outfit tradicional indio di famoso diseñador Sabyasachi Mukherji. E espectacular trahe tabatin detayenan borda y joyanan fini ademas di sequins. E escogencia di e trahe tradicional den cora tabata e color cu semper Priyanka a desea pa bisti pa su casamento. E impresionante prenda nupcial a ser combina cu joyanan di oro tradicional y un garland di flor. E coyar elabora ta di Chopard for di e “Haute Joaillerie Collection”, y cu tin 184.50 carats di diamante den forma di peer den oro blanco etico di 18k.
