Tin un gran expectativa awe nochi pa e eleccion di Reina unda ta bay corona e di 65 Reina di Aruba su Carnaval. Den e celebracion grandi di e aniversario di nos Carnaval, tin e chens cu Aruba lo tin otro Reina cu dobel corona den e categoría di hubenil y grandi. Esakinan ta Kiziah Trimon representando TOB y Jeanissa Maduro cu ta representa Empire Group. Na aña 2013 Kiziah a ser corona como Youth Queen y Jeanissa a bira e ganadora di e corona como Youth Queen 2015.
Durante 65 aña di carnaval tin diferente mucha muher cu despues di a carga e corona di Reina Hubenil, a pone como e siguiente reto pa bay pa di dos corona. Sin embargo Maribel Andrade ta e prome Reina di Tripel Corona di e celebracion grandi di Aruba. Maribel tabata Reina Infantil 1994, representado Kids in Action, Youth Queen 2002, representando Revista Pan Cayente y Carnaval Queen 2010, representando TOB Carnival Group. Esaki ta algo hopi special pa Maribel y e ta contento di por a aporta na Carnaval di Aruba. Y ta sintie hopi afortuna, cu e tin un logro cu lo pasa pa historia di Aruba su Carnaval. Éxito na tur candidatanan cu ta competiendo tanto pa Youth Queen como Mrs. Carnaval 2019.
HELENE CROES
MARISTELLA GEERMAN
CONNIE IRAUSQUIN
JOALLY CROES
MARIBEL ANDRADE
CRISTINA TREJO
ALINA MANSUR
