E pareha a asisti na Endeavour Fund Awards a pesar di seis grado cu tin na e momentonan aki na Londen y fuerte awacero. Meghan Markle a yega den un shimis blauw manga cortico di e diseñadora Victoria Beckham, cu literalmente a lag’e briya. Mientras Meghan tabata tene e brasa di Harry, e tabata tapa su casa cu un paraplu. Nan dos a mustra sonriente y feliz di participa na e ceremonia di entrega di e premionan, cu ta celebra e logronan di e militarnan y e muhernan herida y malo, cu a participa den desafionan deportivo y di aventura durante e ultimo aña.
E premionan ta un gran oportunidad pa reconoce e esfuerso y balentia pa sigui dilanti den un situacion nada facil. Pa Harry e ta un di e fechanan mas importante di aña y no tabata nada facil debi cu esaki ta un di su ultimo actonan prome cu e perde su titulo di Captain General Royal Marines despues di 31 di maart. Meghan tabata esun encarga pa entrega un di e reconocimentonan cu a tuma lugar na Mansion House. E ex-actriz a mustra encanta di bolbe Gran Britaña y tabata emociona y honra di ta parti di tanto eventonan importante.
