E receta aki tin e podernan terapeutico y ta contene proteina y chia seeds, pero su magia ta den e mix di gut-friendly fiber, probiotics y prebiotics. E receta aki ta yen di proteina, cu ta mantene bo yen pa un tempo mas largo. E mihor parti ta, cu bo por prepar’e adelanta y ward’e den bo frigidaire. Di e forma aki bo tin un desayuno saludabel of un snack disponibel na cualkier ora di dia.
Manera Hippocrates, e tata di medicina, a bisa: ‘All diseases begins in the gut’. P’esey nos mester mantene nos flora intestinal balansa, pa mantene harmonia. Nos sistema tin un resistencia fuerte, cu mas di 400 diferente bacteria beneficioso den nos intestino. Pa mantene su balansa nos alimentacion mester consisti di alimento natural sin procesa, alimento cu ta haci cu e bacteria beneficioso ta keda fuerte. No mester duna chens, pa e bacteria malo desbalansa e harmonia, cu nos mester tin den nos eco flora intestinal.
Gut-Healing Power Parfait
E ingredientenan:
- ¾ cup plain yogurt of Kokos yogurt (pa esun cu tin lactose intolerance)
- ¼ cup plain oats
- 1 cuchara chikito di chia seeds
- Splash di nut milk of awa
- ¾ cup fresh berries of un otro fruta corta chikito
- ¼ cup low-sugar granola (wak cu no ta contene mas di 5grm per serving)
Topping opcional:
- Mango y coconut flakes
- Walnuts y appel corta den bloki chikito
- Fresh berry mix y mint
- Batata dushi machica mescla cu almendra
- Nectarines, fresh figs y almond slivers
Mescla tur e ingredientenan y bo por com’e inmediatamente of ward’e den frigidaire, pa come mas laat. Disfruta di tur e beneficionan di un bon desayuno, cu ta bon pa bo sistema completo.
Johanna Stroo
Health Coach (Integrative Nutrition Institute)
American Association of Drugless Practitioners member
Food allergies certified (Allertrain)
Food therapy certified (Natural Gourmet Institute)
Plant based nutrition certified (Center of Nutrition studies Cornell University)
mjstroo@yahoo.com
