Despues cu Jennifer Lopez a haci su romance cu Ben Affleck oficial cu un potret hunto riba Instagram, awe el a luci un coyar ‘BEN’ mientras el a sali riba un shopping trip na Monaco. JLo a reuni cu Affleck pa celebra su 52 aña na St. Tropez riba un luhoso yate, unda nan a sali intercambiando un sunchi apasionante.
Durante su caminata di compra, e superstar a mustra su figura tonifica den un mini dress blanco cu strep y su flip-flops. E creadora di e exitoso hit ‘Jenny From The Block’ a acesora su look cu un fedora taupe y un bunita tapaboca floral. Su pertenencianan tabata den un tas blanco di Valentino Garavani, cu studs oro y e mannan di tas cu ta combina.
Jennifer y su ex Alex Rodriguez a termina oficialmente nan relacion di cuater aña na maart, prome cu el a rebiba su romance cu Ben, cu ken e tabata date na comienso di 2000. Siman pasa, People a afirma cu e ta ‘madly in love’ di Affleck y ta sinti cu nan lo ta hunto for di awo. E pareha a bolbe namora rapidamente despues di a reuni algun luna pasa, y un fuente a informa E! News, cu e ‘celebrity couple’ ta totalmente comprometi cu otro, aunke ambos a acorda cu nan no tin pura pa casa.
