Brian Woo, ken tin mas di 1.8 miyon di seguido riba Instagram y cu a haci tatuahe pa e celebridadnan manera Justin Bieber, Adele, Miley Cyrus y David Beckham, ta desaroyando un serie basa riba e fiestanan gastronomico. E serie sin titulo lo explora e cultura y experencia culinario a traves di cada dia festivo, di cual tin mas di 365. Awe por ehempel ta National Vanilla Cupcake Day, y mayan ta National Sundae Day na Merca.
E serie lo tap e fascinacion di Dr. Woo pa cuminda y subcultura di alimentacion a traves di e lens di e fiestanan gastrononico nacional cu ta celebra tur cos, for di fried chicken te na pork belly. Woo lo biaha na e miho y e fuentenan mas exotico di cuminda pa explora su origen, e cultura rond di dje y e hendenan cu ta gusta come.
Den cada episodio, Woo lo invita tambe su grupo creativo di amigo, clientenan famoso y amigonan cu ta disfruta come, pa topa cu chefs y e expertonan di renombre mundial, cu lo demostra e tecnicanan tras di cada ‘signature dish’. Woo a bisa cu tur dia e ta sintie inspira y influencia pa arte, musica, moda y di mes pa cuminda. E ta un studiante di cultura y ta biaha masha hopi pa topa cu ne.
