Durante e Annual Aruba International Regatta organisa pa Fundacion di Aruba Regatta, Aruba Bank a haci entrega di e premiacion. E vision ta pa crea plataforma pa introduci e posibilidad pa nabega na un publico mas grandi y conecta hende cu naturalesa y experiencia sostenibel den e deportenan aquatico. E evento cu a tuma lugar dia 20 y 21 di augustus 2022 a consisti di diberticion, accion y competencia bou di diferente yate, catamaran, kitesurfers y windsurfers internacional durante e dos dianan combina cu musica, fiesta na beach y comemento durante anochi.
Aruba Bank ta contento di por a forma parti di un evento cu ta trece nos nabegantenan local y internacional hunto pa asina por conecta mas na nos naturalesa y introduci e mundo sostenibel un poco mas. Tur nabegante a competi pa e premio maximo, unda cu e Executive Director di Aruba Bank, Sra. Gina Habibe, a haci entrega di premio na e ganadornan. Pabien na e organisadornan y participantenan di e Aruba International Regatta cu ta tuma lugar anualmente.
