E bida di C-Zar y Chelsea a cambia desde 28.03.24 den basicamente tur cos cu nacemento di nan prinses Chleopatra Olarte. Awor nan ta tres y e dia completo ta wordo adapta a base di nan tres tambe. E alegria cu Chleo a trece den nan bida ta hunga un rol grandi pa nan famia. E ta un sentimento di gran felicidad pa C-Zar, cu e por a pasa cu su casa Chelsea ful e proceso di 9 luna hunto cu ne. Cu e por a wak e baby nace y cu e por ta parti hunto cu Chelsea di yuda den e proceso di su crecemento.
Lantando tur mainta wak Chleopatra spierta for di soño y cu e smile di mas bunita na mundo, ta yena C-Zar su curason di un alegria inmenso. E prome pensamento ora C-Zar a mira su yiu muhe tabata cu porfin su soño di mas grandi a wordo completa. Si puntr’e dicon, e ta contesta: “Cu e yegada di Chleo awor mi tin porfin mi famia. Mi casa hunto cu mi prinses awor nos ta 3. Cu awa den mi wowo mi a ricibi Chleopatra den mi mannan y mi a pone riba e pecho di Chelsea. Esaki pa mi ta un soño cu a bira realidad, cual pa mi bal mas hopi cu un Grammy Latino mes”.
E celebracion di ‘Dia di Tata’ e aña aki ta bira extra special pa C-Zar Olarte cu su yiu muhe, ken ta yena nan bida cu e sentimentonan di mas bunita y profundo, cu nan ta bisa di nunca antes a yega di sinti. Lesa mas con dicon nan a yega na escogencia di e nomber Chleopatra den Focus Digital Magazine di juni cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
📸 Pris Lee Photography
Download bo revista awo!
