Cu un carera di casi 30 aña como estilista, Jesús Viroh, a destaca semper como un artista di makiyahe, vestuario y diseño di moda. Durante e añanan cu el a traha na Venezuela den mercadeo di cual e ta un graduado, el a forma parti di campañanan grandi ganando varios premio. Sinembargo su pasion semper tabata pintura y den e 13 añanan bibando na Aruba, el a realisa varios mural.
Su participacion na e tayer di pintura MAGNIFY ta un soño cu a bira realidad. Nunca e tabata den un tayer di pintura cu hendenan asina profesional y cu tanto talento. Di por a siña di Armando Goedgedrag ta un paso grandi pa su proximo proyectonan y ‘scaling’ ta su miho enseñanza, E tayer a amplia su percepcion di loke ta bira su futuro como artista. Semper Viroh kier siña mas y enfocando riba un meta solido.
Su pintura ta entre e muralnan cu ta dorna e muraya na Oranjestad. Jesús Viroh por bisa cu e lo bin cu proyectonan hopi bon pa sigui aporta beyesa y cultura na su kerido Aruba. Lesa mas di e artista aki den Focus Digital Magazine di juni, cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
