E señalnan cu ta haci Lisette Buckley un ‘travel addict’ ta cu asina e yega bek Aruba for di un biahe, ya e ta cuminsa pensa riba cua lo ta e siguiente biahe y destinacion. Si e recorda e temporada durante su infancia e biahenan cu mas a keda den su recuerdo ta sigur Inglatera, unda nan a biba pa un temporada cortico. Lisette tabata biaha tambe pa Spaña y Venezuela, unda nan tabata bishita famia di su mama. Como teenager ta su vacacionnan na Puerto Rico.
Biaha y wak mundo ta inspira Lisette den su evolucion como persona door di conoce diferente paisahe, cultura y hende. E ta haya hopi dushi pa biba na Aruba, pero ta hopi limita. Cu esey e kiermen pa biaha y conoce otro pais, cual ta ofrece experiencianan cu bo lo no haya na Aruba. Esaki ta mustra un persona con grandi mundo ta y tur e diferente culturanan… “It opens your mind”, ta e definicion di Lisette pa su experiencia di biaha y conoce mundo.
Focus Digital Magazine ta highlight e tema di biahamento den su edicion di juli y Lisette Buckley ta comparti e destinacionnan espectacular cu el a bishita y tambe cua experiencia ta riba top di su ‘bucket list’. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
