Disfrutando di un bon vakantie na Spaña caminda famia Willems-Antersijn tin nan segundo cas, Nadine a tuma su tempo pa busca algun potret memorabel di locual mas nan gusta… Creando bunita recuerdo biahando hunto. Tur aña pa varios aña caba nan ta bula bay Spaña manera scol cera na juli y ta regresa un par di dia prome cu scol habri na augustus. Manera cu nan yega Aruba bek, e ta manera “Happy New Year” na augustus pa Nadine, Maarten, Montse y Maxi. Nan ta haci e promesa pa traha duro y haci nan best pa asina por merece nan vakantie otro aña atrobe.
Nadine ta describi aña 2024 te cu awor manera un ‘rollercoaster’ cu literalmente momentonan excitante, retonan enorme y exitonan asina maraviyoso. Su satisfaccion y orguyo di mas grandi ta un decision hopi importante cu el a tuma 17 aña pasa. E decision cu e kier ta un mama cu ta na cas pa su yiunan. E no a stop di traha completamente y principalmente e no a stop di desaroya su mes, pero el a pone su famia, su yiunan na prome luga. Awor cu e muchanan ta mas grandi y mas independiente, el a haci di su pasion su negoshi. E ta sumamente orguyoso di su mes tambe den e proceso aki.
Den Focus Digital Magazine di augustus, Nadine Willems-Antersijn ta conta con shete aña pasa nan a inverti den un apartament y asina Spaña a bira oficialmente nan segundo cas. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
