Mirando su mama crea pinturanan uzando steknan di vegetal, a cende e pasion di Indra Zievinger pa arte. Fascina cu e obranan di su mama, e mes a cuminsa experimenta. Desde hopi jong Indra tabata dedica na arte, transformando e murayanan di su camber den un canvas cu escenanan di e bida isleño di Trinidad unda e tabata biba, utilisando crayon y potlood. Cu su 15 aña, e tabata skip hopi biaha e estudionan di business pa bay lesnan di arte, unda el a descubri varios medio manera aquarel y charcoal. Awendia Indra ta prefera acrylics, cual e ta uza pa pinta riba diferente superficie manera casca di webo, casca di coco, baranca, muraya, panel di palo y canvas.
Indra su estilo a keda evoluciona continuamente durante e ultimo 20 añanan. Su biahe artistico a hib’e na e islanan Caribense: Aruba, Curaçao, Antigua and Barbuda, St. Lucia, Jamaica y Barbados. Su arte semper a sirbi como un brug pa conecta cu comunidadnan nobo. Indra a traha como boluntario y a duna les na numeroso scol, tanto esnan cu y sin programa di arte existente. Di regreso na Aruba na 2019, el a construi su propio studio y a cuminsa crea piezanan nobo. Aña pasa el a expande pa Indrart Studio, un courtyard studio unico unda awor e ta ofrece varios workshop.
Su estilo artistico ta hopi organico, cuminsando hopi biaha cu un pieza nobo cu solamente un sentimento enbes di un idea cla. Recientemente su trabou a ser describi como stimulante pa e imaginacion di e persona cu ta mir’e for di aspectonan spiritual, utilizando colornan vibrante. Den Focus Digital Magazine di augustus, Indra Zievinger ta splica kico ta e meta di su pinturanan. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
