Stephanie Selena de Andrade y Juan Miguel Serna Gonzalez ta comparti e pensamento cu pa un matrimonio por dura henter un bida ta primordial pa mantene un comunicacion transparente y cu respet pa otro. Semper tin Dios guiando nan matrimonio y ta un pilar pa sostene otro den tur momento di bida.
Stephanie y Juan a conoce otro na basis school y tambe a bay Colegio San Nicolas. Nan a conecta cu otro atrobe online ora cu Juan tabata studiando na New York y Stephanie na Groningen. Esaki tabata na aña 2021 y nan a cuminsa papia cu otro atrobe ora Juan a manda Stephanie un potret di tempo nan tabata bay scol basico.
Desde e momento ey nunca mas nan no a stop di papia cu otro. Nan tabata biaha back and forth pa por a wak otro y tabatin un long distance durante dos aña. Finalmente a bay biba hunto na Utrecht ora nan a caba nan estudio. Stephanie ta Radiodiagnostiek Laborant na UMC Utrecht, cu ta specialisa den CT-scan, 2D röntgenonderzoek, Mammografie y Nucleaire Geneeskunde. Juan a studia na Univerity of Staten Island New York y ta traha den e area di online marketing y content creation.
Stephanie y Juan a casa pa raad na Gemeente Utrecht y pa Misa na Aruba, paso aki ta e cas pa ambos. Nan a scoge e luna di augustus, paso esey tabata e luna cu nan a wak otro pa prome biaha durante nan long distance relationship. Stephanie y Juan ta comparti mas detaye den Focus Digital Magazine di e luna aki. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
