STELLARIS CASINO A CELEBRA E INAUGURACION DI E CASINO RECIENTEMENTE RENOBA

Marriott Resort & Stellaris Casino a celebra orguyosamente su “Grand Re-opening” hopi anticipa dia 14 di november 2024. E evento a marca e inauguracion oficial di e casino recientemente renoba, mustrando un atmosfera fresco y vibrante cu ta priminti pa eleva e experiencia di gaming pa tur bishitante.

Un celebracion espectacular unda tabata presente e team dedica di Stellaris Casino y invitadonan aprecia, cu a reuni pa presencia e transformacion. E casino awor ta showcase un variedad di slot machine nobo, tapijt nobo luhoso y un variadad di acesorio elegante, tur diseña pa haci e ambiente y comodidad di tur bishitante mas atractivo.  

E reapertura tabata yena cu actividadnan special. E invitadonan por a hunga cu “FreePlay” y disfruta di un gran cantidad di promocion, incluyendo un edicion exclusivo di e wega popular “Deal the Cash” cu premionan exclusivo. Pa haci e ambiente mas festivo, e invitadonan a disfruta di un variedad di dushi pasaboca y entretenimento. E evento tabata un exito rotundo, cu na unda por a mira hopi cliente fiel, cu por cierto, a ricibi nan invitacion special via email y post.  

E reapertura di Stellaris Casino na Marriott Resort no solamente ta subraya e compromiso di ofrece entretenimento top-notch, pero tambe pa prepara pa un temporada importante nos dilanti, esta e “High Season”. Sea bo ta un hungado existente caba di casino of uno nobo, Stellaris Casino ta ofrece un experiencia di gaming incomparabel cu sin duda ta impresiona.