Durante e ciclo aki, e forsanan di cosmos lo trece renobacion, confiansa, autoconocemento y abundancia na e diesdos signonan. Conoce e acontecimentonan adelanta ta permiti pa prepara bo pa biba nan na e miho manera. Conoce loke e diesdos signonan lo trece den trabou, amor, salud y relacionnan interpersonal durante 2025. Esaki ta un periodo nobo cu transformacionnan grandi y miho enseñansa. Lesa cu atencion.
ARIES
21 MAART – 19 APRIL
Bo ta inicia cu proyectonan grandi cu ta bay logrando segun tempo ta pasa. E ta un bon periodo pa renoba fisico, mental y spiritualmente. Bo lo enfoca riba bo bienestar y den restaura bo relacionnan personal. E lo ta un epoca di hopi pasion y compromiso cu bo sernan keri. Bo lo cuida bo mes y lo drenta den e onda di meditacion.
BELANAN CORA
pa rebiba bo candela interno.
TAURO
20 APRIL – 20 MEI
Bo lo tuma decisionnan hopi importante pa futuro. Bo lo kibra cu pasado cu no ta laga bo avansa y ta enfoca riba proyectonan diferente. E lo ta un aña di transformacion personal, p’esey lo bo limpia bo energia, ta aleha di personanan toxico y ta elemina elementonan innecesario. Den 2025 bo lo steun riba bo famia y amigonan.
BELANAN BERDE
pa invita bo na calma.
GEMINIS
21 MEI – 20 JUNI
Bo lo cuminsa 2025 cu un actitud positivo cu ta permiti bo supera obstaculonan. Bo lo busca contesta na hopi pregunta di bo bida, cu ta afecta bo stabilidad emocional. Lo bo haya contestanan aclarativo. Bo lo consolida relacionnan sentimental y profesional importante, y lo mantene un comunicacion cu naturalidad cu tur.
BELANAN GEEL
pa stimula bo creatividad.
CANCER
21 JUNI – 22 JULI
Den aña 2025 lo habri portanan nobo. Lo bo tuma bek proyectonan antiguo cu bo a laga y cu ta mustra hopi productivo. Ta e periodo oportuno pa intensifica bo relacionnan y laga bo intuicion guia bo. Lo bo aclarea sentimentonan y resolve problemanan di pasado cu ta afecta bo felicidad. Famia lo tuma relevancia. Salud ta depende di bo alimentacion y actividad fisico.
BELANAN PLATA
pa yena bo di serenidad.
LEO
23 JULI – 22 AUGUSTUS
Leo ta cuminsa aña cu gran firmeza den su proyectonan. Lo tin intencionnan di biaha pa conoce sitionan interesante unda kisas lo bay biba den futuro. Lo busca e manera di sigura bo relacion sentimental y reconcilia cu familiarnan y amigonan. Lo lucha pa bo metanan. Lo ta un aña di crecemento y liderazgo. Lo bo cuida di bo descanso pa keda saludabel
BELANAN ORO
pa realsa bo autoconfiansa.
VIRGO
23 AUGUSTUS – 22 SEPTEMBER
Den 2025 lo bo cambia e rumbo di bo existencia. Lo bo sali di rutina y lo realisa otro actividadnan cu lo yena bo di vitalidad y optimismo. Bo estilo di bida nobo lo ta mas conforme cu bo expectativanan y lo logra ekilibrio personal. Bo relacionnan familiar tambe lo tin cambio. Lo bo laga atras e hendenan cu no ta aporta nada y ta haci un limpieza energetico.
BELANAN BLANCO
pa activa bo paz interior.
LIBRA
23 SEPTEMBER – 22 OCTOBER
Lo resolve asuntonan pendiente cu ta stroba bo di avansa na bo metanan. E ta un aña pa cera etapanan. Lo bo fomenta cosnan bon den bo bida y ta obliga bo mes pa cumpli cu bo soñonan. Lo bo tin e apoyo incondicional di sernan keri. Lo bo busca un panorama laboral cu ta brinda stabilidad financiero y compañeronan bon.
BELANAN ROS
pa aumenta bo amor propio.
SCORPIO
23 OCTOBER – 21 NOVEMBER
Bo lo cuminsa cu hopi forza y energia. Lo bo haci movimentonan cu ta permiti bo alcansa miho condicionnan di bida. Lo bo supera obstaculonan di pasado y logra tin exito den tur bo plannan. E lo ta un periodo pa proyecta den pareha y acerca mas na bo famia. Lo bo vigila bo estadonan di animo pa evita depresion.
BELANAN CORA
pa Eleva e pasion.
SAGRITARIO
22 NOVEMBER – 21 DECEMBER
Den e periodo aki lo bo tin hopi fluidez pa expresa bo enhelo- y decisionnan. Bo sinceridad y honestidad lo hiba bo pa e caminda di exito. Lo bo expresa bo sentimentonan na bo pareha y famia, e actitud franco aki lo fortalece e relacionnan y ta libra bo di mentira y egoismo. Lo bo ta hopi enfoca den logra mas stabilidad economico.
BELANAN BIÑA
pa spierta bo intuicion.
CAPRICORNIO
22 DECEMBER – 19 JANUARI
Bo ta propone pa den aña 2025 ta un miho ser humano y lo bo haya felicidad den tur aspecto. Lo bo duna un giro positivo na bo bida y lo crece na nivel spiritual. Un cambio di domicilio lo sirbi pa bo inicia ciclonan nobo y adkisicion di conocementonan cu ta permiti bo cumpli e obhetivonan di 2025.
BELANAN MARON
pa aumenta e fortaleza.
ACUARIO
20 JANUARI – 18 FEBRUARI
Aña 2025 lo ta un periodo di cambio, ilusion y proyectonan. Bo lo busca stabilidad emocional hunto cu bo pareha y amigonan. Lo yega na bo metanan pa bo esfuerso y dedicacion. Lo bo tuma decisionnan acudiendo na bo intuicion. Lo bo cuminsa confia atrobe den hende.
BELANAN BLAUW CLA
pa stimula bo creatividad.
PISCIS
19 FEBRUARI – 20 MAART
Aña 2025 ta invita bo pa busca camindanan nobo pa yega na bo metanan. Lo bo cera ciclonan y ta aleha di situacionnan peligroso. E lo ta un periodo di hopi comunicacion y expresion. Lo bo desblokia emocionnan y supera etapanan di bo pasado afectivo. Lo bo mehora relacionnan cu bo sernan keri.
BELANAN LAVENDER
pa eleva bo spiritualidad.
Download bo revista awo!
