Bo por renoba bo cas sin necesidad di haci inversionnan economico grandi ni inverti demasiado esfuerso. Cu e paso di tempo ta inevitabel cu e structura fisico di bo cas ta bay atras y consecuentemente por perde su atractivo inicial. Sinembargo no tur cos ta perdi y ta fundamental compronde cu bo hogar por posee un personalidad unico y special. Rebibando e aspectonan aki loke a haci’e special na prome luga, a traves di reforma simpel y practico, bo por revitalisa bo cas y debolbe su encanto inicial.
Experimenta cu Iluminacion (#1)
Iluminacion por ta determinante den percepcion di un espacio y tin e poder di marca un gran diferencia. Purba cambia e lampinan of añadiendo luz ambiental.
Reorganiza e Espacio (#2)
Cambiando e mueblenan di luga ta crea un ambiente diferente y simplemente reorganisando por haci un sala sinti completamente nobo.
Añadi Mata (#3)
E matanan natural ta aporta bida y un toke di naturalesa den e cas y tambe ta yuda na purifica e aire y reduci stress.
Restaura Mueble Antiguo (#4)
Mantene y resalta e encanto di cualkier mueble antiguo na luga di tir’e afo. Uza schuurpapier y verf pa obtene un pieza renoba y unico.
AñadIi Detaye Decorativo (#5)
E detayenan chikito manera cusinchi, paña di mesa, cuadra of bela por crea un toke di color y personalidad na cualkier espacio sin mester haci hopi gasto.
Actualisa Decoracion di Muraya (#6)
Coloca spiel of cuadra pa duna bida na e murayanan. E decoracion por cambia e percepcion di un espacio, pues tribi pa experimenta cu piezanan nobo.
Renoba e Vloer cu Tapijt (#7)
Si cambia e vloer no ta dentro bo posibilidadnan, opta pa tapijt. No solamente e ta laga e luga resalta sino tambe ta sconde imperfeccion di e vloer existente.
Cuida e Hardin (#8)
Por ultimo no por lubida e exterior di bo cas. Un hardin bon cuida cu matanan bunita por transforma por completo e percepcion di bo cas.
Fuente: ALWUZ
Download bo revista awo!
