E sicologo, Sabrina Sonensein, di Mindful Love Aruba ta splica con e personalmente a fiha su metanan pa aña 2025 despues di a para keto y reflexiona con e aña anterior a bay. E forma con e ta realisa esaki ta haciendo su mes pregunta y skirbi nan den su journal of planner.
- Kico mi ta desea di logra e aña aki?
- Kico mi ta desea di laga atras?
- Cua relacionnan ta alinea cu mi y cua mi tin di laga bay?
E ta sigui elabora riba cua propositonan e no a logra durante e aña y tambe e ta puntra su mes dicon. Tabata falta di tempo of djis falta di intencion. Un cos cu el a siña, pa yega na exito, bo tin di puntra bo mes: “Cuanto curason bo tin pa logra bo proposito?”
En cambio, ora bo traha intencion bo ta enfoca den haci decisionnan cu ta alinea cu bo balornan fundamental. Bo ta mas den presente y cu un vision cla di loke bo ta desea di manifesta den bo bida. Bo tin consistencia pa descubri custumbernan mas saludabel cu bo por disfruta di nan y cu ta duradero.
Den Focus Digital Magazine di januari Sabrina Sonensein ta splica e diferencia entre Resolucion & Intencion. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
