Aruba Bank a honra e comunidad chines cu un evento exclusivo di negoshi den cuadro di su 100 aña di existencia. Aruba Bank ta reconoce e contribucion valioso di su clientenan fiel na e desaroyo economico di Aruba.
Pa honra e comunidad Chines cu un evento special, Aruba Bank a organisa un “Business Cocktail” exclusivo pa fortalece e lazo di negoshi cu e comunidad Chines y expresa gratitud pa nan confianza y lealtad durante añanan.
E evento a brinda oportunidad pa clientenan di Aruba Bank topa cu e ekipo di “Corporate Banking” den un ambiente relaha. Esaki tabata un momento oportuno pa conecta y sigui traha hunto riba un futuro exitoso.
Aruba Bank ta gradici su clientenan pa nan confianza y ta spera di por sigui sirbi nan cu e mesun dedicacion y profesionalismo, cu ta un compromiso di e banco.
