E diseño di interior ta bay mas aleu cu estetica; e ta influi den e funcionalidad, comodidad y eficiencia di un espacio. Inclui un diseñador desde e inicio di un proyecto ya sea cu ta un renobacion, compra of construccion ta yuda na evita erornan costoso y optimalisa e inversion. Dalia y Rayson Semeleer, e dos mentenan creativo di Dalia Interior Décor & Design, ta yuda na transforma ideanan den realidad, sigurando cu cada detaye tin proposito y harmonia.
Den Focus Digital Magazine di april, Dalia y Rayson ta duna 5 tips riba e topico aki, cual esun prome ta e parti di “Diseño Strategico, cu ta Mas cu Decoracion”. Hopi hende ta pensa cu e diseño di interior ta limita na eligi mueble- y colornan, pero en realidad ta trata di planifica un espacio cu e ta funcional, comodo y harmonioso. Un diseñador ta yuda na defini un concepto cla, sigurando cu cada elemento tin un proposito y ta adapta na e necesidadnan di e cliente.
E otro consehonan cu Dalia y Rayson Semeleer ta elabora riba dje:
2. Con pa Evita Costonan pa Falta di Planificacion
3. Optimalisacion di Espacio y Funcionalidad
4. Eleccion Corecto di Material y Color
5. Aumento di e Balor di e Propiedad
Un diseño bon ehecuta no solamente ta mehora e experiencia di biba den e espacio, sino cu e ta aumenta tambe su balor riba mercado. Tanto pa e propietarionan cu ta desea pa bende of huur, como pa esunnan cu ta busca un hogar funcional y cozy, un bon planificacion di interior ta un inversion inteligente. Lesa mas den Focus Digital Magazine su seccion di Home Trends, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
