E opdracht pa e investigacion a ser encarga pa e gobierno di Aruba y en particular pa ex-Minister di Sociale Zaken y Husticia, Rocco Tjon, y Endy Croes cu tabata Minister di Educacion y Deporte. E ekipo di investigacion tabata forma pa e investigadonan di IPA y VU forma pa dr. Anne-Marie Slotboom (Assoc. prof VU), Prof. dr. Jan Hendriks VU/UvA; drs Janneke Dapper-Nederhoed, Gregory Goedgedrag Msc, Marlene de Cuba y Marvin Odor di IPA bou guia di e senior projectleider, dr. Paula Kibbelaar. Esaki ta pa e prome biaha cu gobierno di Aruba ta encarga un proyecto di investigacion nacional.
Un rapport cu e resultadonan piloto di Jeugdmonitor Aruba a ser presenta na november 2020 na Rudy Lampe, e Minister di Educacon e tempo ey. El a señala cu e resultadonan di e “pilotonderzoek” bou di 11 scol tabata pre-covid y cu mester haci un estudio di siguimento post-covid pa mira con e calidad di bida di e hobennan ta mustra na e momento ey.
Debi en parti door di e morto teribel di e dos muchanan na 2018 y reconocemento di e crisis social di gabinete Croes-Wever (rapport sociaal crisisplan), VU/NSCR y IPA a dicidi pa realisa prome un proyecto piloto.
Ademas e acuerdo di coalicion a ser elabora en parti riba e base di 17 UNSDG y for di esey, e empoderamento di e hobennan ta fundamental pa e futuro plan social di Aruba. E definicion central di desaroyo inclusivo sostenibel ta un bida digno pa tur hende, y for di e perspectiva aki a analisa e bienestar di e hobennan di 10 pa 14 aña, e portal di adolescencia unda por mira ta bin e factornan di riesgo y unda e hobennan ya por reflexiona si nan ta feliz of no. desde nan propio experiencia y contexto. Nan ta e futuro generacion di pais Aruba.
Ademas e opdrachtgevers a indica specificamente den e siguimento aki pa inclui preguntanan adicional den e encuesta/entrevista tocante salud mental di e muchanan. Esaki ta un dimension adicional door di e problemanan di salud mental, cu a converti den un problema social grandi na nivel mundial durante y despues di e pandemia. Finalmente, tin falta na data riba e tema y e gobernacion despues di COVID-19 a enfoca conscientemente den implementacion di politica basa riba evidencia.
Pa por a realisa e follow up post-covid youth monitor a encuesta studiantenan di 5de y 6de klas di tur scol basico y scolnan SPO/VSO na Aruba. En total a ser encuesta 2234 studiante (cu consentimento di nan mayornan) riba 4 tema, cualnan ta e contexto escolar, bario, situacion na cas of familiar, salud fisico y mental. Tambe a entrevista e profesionalnan den enseñanza, cu tabata e (vice) directornan, trahadonan social y Interne Begeleiders (IB’ers) tocante e mesun cuatro temanan. En total a entrevista 93 profesional den enseñanza.
Finalmente pa prome biaha loke a haci den proyecto di investigacion aki ta pa invita e mayornan pa nan tambe participa. Den e sesionnan di e focusgroep, e mayornan for di 6 distrito cu a keda seleccona pa participa. Basa riba e discussie stellingen riba e 4 temanan nan a ser puntra pa comparti nan experiencia y opinion. Pa e enfoke metodologico aki a aplica metodonan mixto, tanto cuantitativo (encuesta) como e cualitativo (entrevista y focus group sessions).
Por lesa den Focus Digital Magazine di april ampliamente riba e investigacion aki y con e cooperacion tabata di parti e mayornan pa realisa e encuesta cu e alumnonan. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
