For di Plus Universal Queen International 2022 pa un fisico cu 48KG menos y trahando e trabou di su soño, Jahë Bikker ta feliz pa e muhe fuerte, balente y independiente cu e ta awe. Aunke feliz cu e cambio aki den su bida toch e tabata uno basta dificil, pero el a demostra su balentia y fortalesa como persona. Na momento cu Jahë a tuma e decision pa bay traha na Corsou, e tabata sa cu e lo trece mesun alegria y tristesa den su curason. E mester a bay laga su famia y principalmente su yiu na Aruba. Cu un meta grandi su dilanti paso esaki ta un stap grandi no p’e so como mama soltera, pero tambe pa su yiu su futuro.
Jahë Bikker su contesta ora puntr’e tocante su cambio fisico:’ ”WAW!… Un transformacion sigur cu nunca mi a spera”. Esaki a cuminsa despues di a participa na MAO den diferente eleccion Reina di Carnaval, pero e ultimo cu el a participa y gana e titulo maximo tabata Thick Madam Aruba 2022. Como e ganadora el a sigui pa e siguiente certamen participando na Bogota, Colombia pa Universal Queen International y el a keda corona como Plus Universal Queen International 2022. Sinembargo un kebrante di salud a pone cu despues e mester a cambia su custumbernan completamente.
Den Focus Digital Magazine di e luna aki, Jahë Bikker ta conta con el a cuminsa su reto saludabel cual sigur no tabata uno facil y con su estilo di bida a cambia completamente despues di su cirugia. Lesa mas den e revista cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
