Ora bo dicidi di cuminsa date bek despues di un divorcio of breakup y bo tin 40 aña en adelante, bo ta dilanti un paisahe unico. E ta encera un set di consideracion y oportunidad. Bo tin hopi mas auto-conocemento y kico ta cualidadnan cu bo ta busca den un pareha compara cu ora bo tabata mas jong. Esaki ta un bentaha significativo. Probablemente bo tin yiu caba, bo tin un carera estableci of porta bo tabatin un periodo largo bo so.
E sicologo, Sabrina Sonensein, ta elabora den Focus Digital Magazine di juni tocante diferente consideracion clave manera: Auto reflexion y sanacion – Conoce bo mes – Tempo di calidad:
Yiu – Carga emocional – E dating pool – Expectativanan – Conoce hende.
Nos ta tuma e prome y ultimo consideracion pa highlight den e post aki:
Auto reflexion y sanacion: Tuma e tempo pa sana e heridanan y compronde cua tabata bo parti den e matrimonio anterior. Esaki lo yuda bo evita di ripiti e mesun erornan y cuminsa un relacion nobo di manera saludabel.
Conoce hende: Tene den consideracion diferente caminda unda bo por conoce hende, manera dating apps y websites, hobbies y for di amigo(a)nan. Sea habri pa conecta den diferente forma. Bo lo keda sorpresa.
Dating despues di divorcia y den bo 40 por ta un experiencia valioso. Si bo enfoca bo mes cu auto-conocemento, intencionnan claro, un curason habri, bo por desaroya conexionnan di calidad y hasta haya felicidad. Sabrina Sonensein ta recomeda tambe cual ta 8 tips pa logra un date exitoso den e revista cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
