Artitudes a nace inicialmente manera un idea dibertido di crea un espacio creativo pa artistanan na Aruba. Sinembargo a lo largo di un aña y mey cu e tin di bida, el a bay ta transformando y ahustando. Poco poco a traves di cambio y descubrimento pa yega na ser Art Café. Artitudes ta un espacio sigur pa tur hende y un hogar pa e artistanan. E ta pa Ana Piña su manera pa personalmente duna danki na e isla y su hendenan pa ricibi’e y pa tur e oportunidadnan. Esaki ta solamente e inicio di un proyecto hopi bunita cu e ta desaroyando.
Pa Ana arte ta significa manera respira, e ta esencial pa e bida. Desde chikito e mundo di arte a pasion’e, su tata tabata e persona cu a siñ’e haci dibuho y pinta. El a sembra e simia artistico cu te cu awendia ta sigui creciendo. Ana a studia “Historia del Arte” na Universidad y fotografia, pero semper e tabata un artista autodidact. E curiosidad pa haci cosnan nobo a hib’e descubri arte den diverso expresion. E pasion y curiosidad pa arte a inspira Ana na creacion di Artitudes.
Un concepto unico unda tin tur tipo di arte manera pintura, escultura, fotografia, buki di autornan local, ceramica, porcelana, marca local di acesorio, tas, habon, bela, koffie di specialidad y kombucha. E ultimo adkisicion tabata Café de especialidad cu nan ta ofrece. Artitudes Art Café ta ricibiendo training di nan amigonan di Sausalito Café pa asina por brinda un experiencia unico, pasobra nada ta mas agradabel y ta inspira cu bebe un dushi koffie rondona di Arte y bida.
Den Focus Digital Magazine di juni, Ana Piña ta elabora riba tur e diferente tayer na Artitudes Art Café, cu a cuminsa solamente pa e publico en general y el a wordo asina hopi gusta cu e hendenan a cuminsa contrata e tayernan pa cumpleaños, grupo di amigo y e empresanan pa team building. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
