Bo tabata sa cu e comedor por influi den con nos ta sinti y ta relaciona nos mes na cas? No ta trata solamente di un mesa y stoel. E espacio aki tin e poder di transforma e momentonan diaro den recuerdonan inolvidabel. Den Focus Digital Magazine di juni, Dalia y Rayson Semeleer di Dalia Design Studio ta comparti algun pregunta frecuente, tips rapido, loke si y loke no mester haci ora di diseña bo comedor.
E prome pregunta ta cu si bo tabata sa cu e luz por cambia e forma con nos ta percibi e alimentonan? E contesta ta: “Si”, cu un bon iluminacion, placentero y enfoca, ta mehora e atmosfera di e comedor y hasta ta haci e platonan mustra mas delicioso.
Bo tabata sa cu e forma di e mesa ta influi den e dinamica familiar? E mesa rondo ta invita pa un combersacion. E rectangular ta mas formal y ta funciona bon den espacionan largo. Dalia y Rayson ta elabora riba varios aspecto importante di e preguntanan mas frecuente cu contesta y ilustracionan.
E comedor ta un di e espacionan den cas cu miho ta expresa nos estilo. Haya sa tambe – kico si y kico no den bo comedor – den e revista di juni, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
